Llywodraethu

Grŵp o wirfoddolwyr yw’r corff llywodraethu, sy’n cynrychioli’r gwahanol grwpiau sydd â diddordeb allweddol yn yr ysgol, gan gynnwys rhieni, staff ac aelodau’r gymuned. Maent yn gofalu am les y plant a’r staff ac yn cyfrannu at, ac yn cymryd cyfrifoldeb am, bopeth y mae’r ysgol yn ei wneud. Maent yn rhoi sylw i'r addysgu a'r dysgu sy'n digwydd ac yn gweithredu fel ffrind beirniadol sy'n cefnogi'r ysgol, gan herio a gofyn cwestiynau am sut mae'r ysgol yn gweithio a'r safonau y mae'n eu cyflawni. Maent yn monitro cynnydd a pherfformiad yr ysgol er mwyn codi safonau a chyflawni rhagoriaeth ac yn rhoi arweiniad ar yr holl faterion sy'n ymwneud â rhediad llwyddiannus yr ysgol, gan gynnwys penodi'r pennaeth.

Er mwyn cyflawni eu dyletswyddau, mae'n ddefnyddiol i'r corff llywodraethu ymweld â'r ysgol. Mae hyn yn cynyddu eu gwybodaeth uniongyrchol ac yn eu rhoi mewn sefyllfa dda i wneud penderfyniadau. Mae ymweliadau fel arfer yn ymwneud yn uniongyrchol â'r blaenoriaethau a nodir yng nghynllun datblygu'r ysgol. Mae ymweliadau yn galluogi llywodraethwyr i ddatblygu perthynas gyda phlant a staff. Maent hefyd yn darparu cyfleoedd i'r llywodraethwyr brofi amgylchedd yr ysgol a gweld realiti sut mae'r ysgol a'r dosbarthiadau yn gweithio. Yn dilyn pob ymweliad, gofynnir i lywodraethwyr adrodd yn ôl ar eu canfyddiadau.

Cynhelir cyfarfodydd llawn y corff llywodraethu ddwywaith y tymor, a chynhelir y cyfarfod cyffredinol blynyddol (CCB) yn fuan ar ôl dechrau pob blwyddyn academaidd newydd. Mae'r corff llywodraethol, mewn cydweithrediad â'r pennaeth, yn cynhyrchu adroddiad blynyddol i rieni.

Mae corff llywodraethu Ysgol Gynradd Caersws yn cynnwys 10 aelod. Mae nhw:

Gellir cysylltu â phob llywodraethwr trwy Glerc y Corff Llywodraethol:
Mrs Sian Canning
swyddfa@caersws.powys.sch.uk
01686 688458

PDF y gellir ei lawrlwytho